Eg er ein økologisk økonom som forskar på berekraftig samfunnsutvikling, mangfaldige naturverdiar, og vekstfri utvikling (post-growth/ degrowth). Eg er særleg engasjert i kunnskapsutvikling innanfor økologisk og institusjonell økonomi, og eg ynskjer å bidra til å gjere kunnskap frå desse fagfelta meir tilgjengeleg for alle. 

Eg har lang erfaring frå offentleg sektor, der eg har arbeida med berekraftig samfunnsutvikling på lokalt og nasjonalt nivå. I doktorgradsprosjektet mitt undersøkte eg kva verdiar som ligg til grunn for avgjerder innanfor både skogforvaltning og lokal samfunnsutvikling i Norge. Her hadde eg søkelys på korleis ulike tilnærmingar til verdsetting og forvalting av natur kan bidra til gjennomgripande endringar i retning av berekraftig samfunnsutvikling.

Nøkkeltema: Økologisk økonomi, berekraftsvitskap, vekstfri utvikling, mangfaldige naturverdiar, gjennomgripande endringar, menneske-natur relasjonar