Nyheter

 

Bamse på fjellrevbesøk

Published on: 16. August 2016
Author: Camilla Næss

Fjelloppsynsmann Jon Nørstebø som har tilsynet med fôrautomatar for fjellrev i Lesja, gjorde store auge då han vitja fôrautomaten vest i Lesjafjella no i sommar.

Bamse på fjellrevbesøk
Foto Viltkamera/NINA

Kameraet låg på bakken og dei solide pålane det var montert på var brekt rett av. På bildebrikka var det tydeleg bevis for kven som var syndaren. Fôrautomaten hadde hatt besøk av ein stor brunbjørn.

Det var tydeleg at bamsen hadde vorte skikkeleg irritert då han ikkje fekk tak i maten inne i fôrautomaten, og klabba til pålane som viltkameraet var montert på. I tillegg var det solide bitemerke i tønnene som fôrautomaten er sett saman av. Automatane er fylt med hundepellets og designa for å berre gi tilgjenge for fjellrevar.

Enkelte automatar, spesielt i Lesjafjella, har hatt problem med «innbrot» av jerv, men dette er første gongen det er registrert bjørn. Uansett, noko mat vart det ikkje på bamsen her. Det er ikkje registrert fast tilhald av bjørn i desse fjelltraktene, men år om anna er det streifdyr innom.

Kontakt: Arild Landa


Foto viltkamera/NINA

Foto viltkamera/NINA

Print
Søk etter nyheter

Norsk institutt for naturforskning

NINA er en uavhengig stiftelse som forsker på natur og samspillet natur – samfunn.
Følg oss på: